Շառլ Ազնավուրի ծննդյան 100-ամյակին և Խաղաղության միջազգային օրվան նվիրված մշակութային երեկո

20 սեպտեմբերի, 2024

2024թ. սեպտեմբերի 20-ին Հնդկաստանում ՀՀ դեսպանության և Հնդկաստանի մշակութային կապերի խորհրդի (ICCR) համագործակցությամբ Նյու Դելիում կայացել է Շառլ Ազնավուրի ծննդյան 100-ամյակին և Խաղաղության միջազգային օրվան նվիրված մշակութային երեկո, որին հանդես է եկել, դեսպանության նախաձեռնությամբ համերգային շարքով Հնդկաստանում գտնվող, «Քլինգեն» կամերային համույթը:

Միջոցառմանը մասնակցել են Հնդկաստանում ՀՀ դեսպան Վահագն Աֆյանը, Հնդկաստանի մշակութային կապերի խորհրդի գլխավոր տնօրեն Կումար Թուհինը, դեսպաններ, դիվանագետներ, «Ռոտարի» շրջանային ակումբի ներկայացուցիչներ և բազմաթիվ հրավիրյալներ:

«Քլինգեն» նույնանուն երգչախմբի և մշակութային ասոցիացիայի հիմնադիր, գեղարվեստական ղեկավար, դիրիժոր, տենոր, դաշնակահար, մաեստրո Սիփան Օլահի ղեկավարած համույթը ներկայացրել է Շառլ Ազնավուրի, ինչպես նաև Արամ Խաչատրյանի, Առնո Բաբաջանյանի և Ղազարոս (Լազար) Սարյանի ստեղծագործությունները:

Համույթի ելույթն ու կատարումներն արժանացել են ներկաների հավանությանն ու բուռն ծափողջյուններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր